مفضّلات شهر أبريل♥.

by - 5:34 م







السلام عليكم، مساء\صباح الخير للجميع♥.
اليوم الموضوع مختلف تماماً عن الموضوع السابق♥♥.

موضوعنا عن مُفضّلات شهر أبريل♥.
في البداية ما كنت حاطّة ف بالي اني بتكلم عن هالموضوع
ف بعض المُنتجات اللي خلّصت عقيتها.

طبعاً اخترت أكثر المٌنتجات اللي استخدمتها في هذا الشهرّ
بحاول احط اسعارها و أماكن الشراء
( الاسعار يمكن تختلف لاني باخذها من النتّ).

يلا نبدا:




أولّ شي الحُب،
BB cream garnier | Miracle skin perfector.
اكثر شي استخدمته و خلّص و رجعت
اخذ منّه مره ثانية وايد ناسبني♥♥♥♥.
تغطيته جميلة ، يناسب الدوام الصباحي اكثر شي
بس بعد كنت استخدمه  في العزايم
و يمعات الأهل♥.
ثباته طويل، و احسّه خفيف ع البشره♥♥♥.
يعطي لوك طبيعي، جنج مب حاطّه شي
و فيه بعد SPF20.


خذته من كارفور (الجيمي مول) | سعره من امازون 25 درهم تقريباً.




المُنتج الثاني، elf eyebrow kit | dark.
فيه فرشاة قصيره عشان ترسمين الحواجب، ولونين
الفرشاة قصيرة تسهّل عليج الرسم وايييد و يكون دقيق لانه سهل التحكم فيها!
اللي حبيتَه ف هذا المنتج ان الرسم فيه سهل، و اللون يبيّن طبيعي
مب أسود غامج ولا بني شاذ ، امّا اللون الفاتح ما استخدمته ابد . .
بس استخدم البني الغامج، احدد به نهاية الحواجب♥♥♥.


من موقع ليلام | سعره ٤٠ درهم♥.




Makeup revolution | Ultra contour palette
اتعب وانا اقول يجنننننننن♥♥♥♥♥♥♥♥♥.
وايد وايد احبّ هالباليت، فيه كل شي تقريباً !
هو عباره عن باودر مب كريمي، اكثر اثنين استخدمهم مبينين شو هم!
الالوان ف الصورة غير عن الطبيعة، ف الطبيعة مايل للبني الرمادي أكثر من
البرتقالي، ف يناسب البشره الفاتحة♥.
المهم استخدم اللون الثاني من اليسار تحت، للكنتور و اللي فوقه لتنظيف الكنتور
و للهايلايت، بس مب ف كل المناطق اكثر شي استخدمه على الفكّ
عشان يبرزه، ويبيّن الكنتور عدل♥♥.
اللون الأبيض و الذهبي أول واحد على اليمين فوق، استخدمه هايلاتر على عظمة الخدّ
و يعطي إضاءه جميله، ثبات الباليت بيرفكت . . اطوّل ف الجامعة مرات لين الساعة خمس
و يبقى تقريباً لين ارجع البيت. . طبعاً اخف شويّ لكنه يبقى♥♥♥♥.


من موقع ليلام | سعره ٤٥ درهم♥.




Real techniques | contour bursh.
هالفرشاة استخدمها للكنتور وايد حلوه ف الدمج♥.


وصلتني هديّة ف ما اعرف وين بتلقونها، لكن أكيد في امازون.
كان من ضمن مجموعة السفر . . اتوّقع انها ب ١٠٠ و شي♥.


هاي كانت مُفضّلات الميك اب، الحين بتكلم عن مُفضلات ثانية:




هالمناكير من Deborah Milano | 7 days long
رقمَه 858 , درجته بيبي بينكّ! شوي يختلف عن الصورة
ما قدرت ابيّن الالوان بالضبط كيف، لكنه جممممممميل♥♥♥♥♥.
كرفته كرف مب طبيعي، ما ابالغ لو قلت اني اخر كم اسبوع احطّ منه يومياً
وايد حبيت لونه هادي جداً و يفتح النفس، المناكير ينشف بسرعه ما ياخذ وقت
و يحتاج طبقتين او طبقه بسّ على حسب♥.


سنتربوينت | ما لقيت سعره ، بس ما اتوقّع اكثر عن ٥٠ درهم.




عطر body | burberry.
اتوقع كل حد يعرفه، ريحته رايقة وايد
و تثبت لوقت طويل، عاد ما اعرف اوصف الروايح . .
لكنّه جميل♥.


خذته من مطار فيينّا ف السعر ارخص من هنيه لكن ما اذكر كم |
سعره تقريباً من موقع امازون 375.




عطر lacoste.
كان هديّة من الحب ابويه، ريحته ريحة نظافة
احبّ احطه دايماً عقب الشور احس بنظافة و انتعاش
ريحته هاديه و خفيفه، و يثبت لفتره طويله♥.


سعره من امازون ٢٥٠ درهم تقريباً.


و بجذي خلّصت الموضوع، هذي هي مُفضلّات شهر ابريل
دُمتم بوّد ، و نتلاقى ف الموضوع القادم ان شاءالله♥♥♥.



You May Also Like

3 التعليقات

  1. جمييييل👌🏻 حبيت المنتجات وحمستيني أجرب الBB cream والعطور💛 أتمنى دايما تحطين لنا مفضلاتج مستقبلا.. Fighting Alia!

    ردحذف
  2. ماشاء الله التصوير بيرفكت ، حبيييت ..
    حمستيني اكتب مفضلاتي أنا كمان ذذذذ

    حبيت التعليقات كيف بسيطة ومختصرة

    وقعت في غرام المناكير " عششقي المناكيرات "

    ..❤

    ردحذف
  3. BB cream garnier | Miracle skin perfector أي محل في الجيمي مول؟

    ردحذف